Colaboración no dominical “NORDESÍA” (Diario de Ferrol) – (29 xaneiro 2006)

Artigo: ESPERANDO TRALA CAIXA
Texto e foto: Yosy

Astronomía: EFEMÉRIDES DE FEBREIRO
Texto: Paulino Gasalla

Lobo Mariño Cincento “RINLO” (Halichoerus grypus) – (27/01/2006)

RINLO, un macho de Lobo Mariño de poucos meses de idade, chegou á Sociedade Galega de Historia Natural (SGHN) o día 27 de xaneiro ás 21:00 horas dun día moi frío, coa ameaza dun fronte que se achegaba e que anunciaba fortes baixadas de temperatura, ventos e nevadas.
O animal apareceu en Porto Rinlo (Ribadeo) e mentres esperaban a nosa chegada foi introducido por membros de Protección Civil daquela localidade nun gran tanque do Centro de Cultivos Mariños do porto.
Fixémonos cargo do lobiño ás 18:30 horas. O animal amosaba certa actividade, probablemente producida pola presión humana co rodeaba.
Cando iniciamos a viaxe, os primeiros copos de neve deixáronse sentir. Tivemos que parar varias veces no traxecto, preocupados pola actitude do Lobo, que amosaba angustia e certo mareo. Chegou canso á UCI da SGHN, onde procedimos rapidamente a mollarlle o corpo. A nosa compañeira Eva, que nos presta os seus coñecementos como enfermeira para atender a todos os lobiños que nos chegan, esperaba xa no local. Tras auscultalo comprobou que tiña os pulmóns limpos e como non presentaba feridas externas e o estado da pel era correcto, decidimos deixarlle descansar ata o día seguinte.

Colaboración no dominical “NORDESÍA” (Diario de Ferrol) – (22 xaneiro 2006)

Artigo: RALLY DE CACAR
Texto: Yosy

Artigo: COBRA DE COLAR
Texto: Yosy
Foto: Felix Cerqueira

Mamíferos Mariños (VARAMENTOS) - Golfiño común (Delphinus delphis)

GOLFIÑO COMÚN (delphinus delphis)
Varamentos na costa da provincia de Lugo

Colaboración no dominical “NORDESÍA” (Diario de Ferrol) – (15 xaneiro 2006)

Artigo: TEIXO
Texto, foto e debuxo: Yosy

Mamíferos Mariños (VARAMENTOS) - Golfiño común (Delphinus delphis)

GOLFIÑO COMUN (Delphinus delphis)

Varamentos na costa da provincia de Lugo

Colaboración no dominical “NORDESÍA” (Diario de Ferrol) – (8 xaneiro 2006)

Artigo: ARROAZ REAL
Texto e debuxo: Yosy
Fotos: Ismael Miján e Yosy

A “Casa do Coronel” - Unha ollada ao futuro (1/01/2006)

Este é o noso proxecto de futuro. A “Casa do Coronel”, un edificio que fai esquina como as ás dun paxaro comezando a abrirse, ou das dunha rapaz en pleno picado. Son 1.800 metros cadrados, 436 deles serán espacio expositivo permanente e 80 metros más para exposicións itinerantes. Biblioteca, sala de actos, laboratorios, astronomía, cámara frigorífica, sala de necropsia, UCI para lobos mariños, tanques para tartarugas e talleres para montaxe de esqueletos e fábrica de maquetas. Pola parte interior, un gran patio para manipulación e limpeza de ósos e unha zona de horta, con árbores froiteiras.
Nas fotos vense soamente as fachadas, porque o interior do edificio non o podemos ensinar, cheo como está dos restos da espoliación ao que foi sometido dende cós militares o deixaron. Portas e fiestras, inútiles para conter aos amigos do alleo, que día a día asaltan o edificio e se levan o pouco que lles parece de valor, esnaquizando máis do que apañan. Xa escachizaron todos os sanitarios para arrincar quince centímetros de tubo de chumbo. Ata a madeira tentaron levarse, aínda que debeu ser moito traballo para quen aproveita a noite para impunemente roubar o que non é seu.
Como non podemos loitar contra a delincuencia e non podemos protexer o edificio, pero queremos manter a ilusión, dedicámonos á horta, que herdamos chea de silvas, como un labirinto verde que non deixa ver as marxes. Nela traballamos para devolverlle a vida que tivo algún día, mentres o caserón, as nosas costas, vai sendo desvalixado día a día.