Aprobada proposición de lei recoñecendo os dereitos á vida e a liberdade dos grandes simios (25 xuño 2008)

A Comisión de medio Ambiente, Agricultura e pesca do Congreso dos Deputados aprobou o mércores día 25 unha proposición non de lei de IU-ICV que insta a o Goberno a sumarse a o Proxecto Gran Simio nun prazo de catro meses e deste xeito garantir o dereito á vida , á liberdade e a non ser torturados destes animais.
O texto aprobado pide a o goberno que se sume á iniciativa que pretende preservar e protexer do maltrato e da morte a orangutáns, chimpancés, bonobos e gorilas, a os que lle recoñece a capacidade para coñecerse a si mesmos, capacidades cognitivas amplas e complexas.
Nun prazo dun ano a partir da adhesión a o programa, terase que adecuar a lexislación española a os principios do mesmo. Deste xeito, prohibirase de forma expresa a experimentación e investigación que dane a os simios e non redunde no seu beneficio, así como a súa tenencia con fins comerciais ou para espectáculos. Segundo o portavoz, Joan Herrera, o obxectivo é evitar a desaparición destes animais, devolverlles a dignidade, prohibila tortura, morte e escravitude e garantir “unha vida digna” para a especie.
O grupo poñente subliñou que un recente informe das Nacións Unidas alertaba do risco de desaparición de grandes simios pola destrucción dos seus hábitats naturais, a expansión de enfermidades infecciosas e a presión humana.
A petición saíu adiante cos votos da maioría dos grupos.
---------------